الأضراب عن الطعام داخل السجن ..
النهار ده طلعت نتيجة أخر تحاليل عملتها وكانت كويسة من وقت ما خرجت عملت كتير من التحاليل كان ديما بيطلع فيه مشاكل في الكلى او انزيمات الكبد عاليه او مشاكل في البول او مشاكل في المعده انهرده طلعت كل حاجه كويسه مشاكل بس في ارتفاع نسبه الكوليسترو لبس عادي احنا كمصرين بنتكرع زيت وانا ك موكا بعشق البطاطس المقليه كمان فيه شويه مشاكل لان كان فيه ضمور في العضلات .
مضاعفات الاضراب عن الطعام
بس الوضع بيتحسن المشاكل دي كانت عندي من اثار مضاعفات الاضراب عن الطعام بفتكر كل شويه الوقت اللي قررت ابدأ فيه الاضراب عن الطعام وكان وقتها كل اللي معايا في السجن قالو انهم مش موافقين علي القرار ده وان القرار ده حتي توقيته غلط بسبب بدأ حرب روسيا علي اوكرانيا لأن العالم كله مش فاضي يبص علي المعتقلين المضربين عن الطعام في السجون المصريه وانا كان رأيي انهم بيفكرو غلط وان انا هبدأ الاضراب عن الطعام.
سياسه الاتحاد الاوربي وامريكا (الغرب)
لأن لو بدأت الحرب ده هيخدم علي الضغط علي مصر لفرض سياسه الاتحاد الاوربي وامريكا (الغرب) او ان الحكومه المصريه تقرر تترمي في حضن روسيا وده وقتها هيبقي هلاك للحكومه المصريه لأن احنا عايشين بدعم مادي من الغرب سواء قروض او منح وحتي سلاح الجيش بتاعنا كله غربى بأمتياز وان الحكومه في الاخر هتنصاع لكلام الغرب لتحسين ملف حقوق الانسان في مصر لأن روسيا مش هتقدر توفر نفس الدعم ده لمصر .
ظباط امن الدوله ..
في النهايه وافق بعض الاصدقاء علي البدأ في الاضراب ليس باقتناعه بوجهه نظري لكن لطفح الكيل من الوعود الكدابه االي كل شويه الدوله بتعيدها عن اقتراب موعد الافراج عنهم المهم بدأنا الاضراب لكن ظباط امن الدوله كان ليها رأي تاني وانها تبعتلنا المرشدين بتوعهم عشان تضغط علينا المهم حصل خناقه كبيره جوه السجن .كانو ابطالها استاذ محمد رمضان ضرب الواد بالقلم وريجو قعد يشتم في المأمور والظباط بتهمه انهم بيعرصو علي المرشدين وكمان انهم هما اللي مسلطينهم اما انا بقي ف مش هقول انا عملت ايه عشان قليت ادبي زياده عن اللزوم عرفت لما خرجت ان مواقع اخباريه نشرت عن الخناقه دي بعدها دخلت قوه ضاربه علينا كلبشتنا وخدتنا انا واستاذ محمد رمضان وريجو وبعد كده فصلوني لوحدي وخدوهم من بوابه السجن.
المعامله السيئه داخل السجون !!
كانت دماغي وقتها بتفكر في انهم خدوهم علي سجن العقرب هما خرجو من بوابه السجن وانا بقا انفجرت من القفص اللي كانو حطيني فيه بسيل شتايم عن امهات ظباط امن الدوله وانهم مش رجاله وكنت في الوقت ده بدأت اتحول لمجنون لغايه لما خرجت من السجن وكل ي،م اطلع اشتم من النضاره في امن الدوله ومصلحه السجون وفي كل المتحكمين في امرنا المهم بعدها دخلت العساكر عليا القفص وكتفوني وظابط امن الدوله بنفسه كان بيشدني من شعري لدرجه ان شعري اتقطع في ايده.
الدعم النفسى من خارج السجن .
ووقتها كنت رافض اخش اي غرفه بس مكنش عندي طاقه لاني كنت بدأت اضراب بقالي اربع ايام دخلني وقتها علي معتز وحسين السباك وكنت وقتها مشوفتش معتز من ثلاث سنوات اللي هو اصلا اتحبس بسبب صوره كان منزلها ليه علي السوشيال ميديا بورقه كان مكتوب عليها الحريه لعبدالرحمن موكا وقتها معتز قعد يزعق ويحوش ظابط امن الدوله عني ويقوله سيبوه هو وحسين السباك وبعدها ظابط امن الدوله رماني في الغرفه .
النشطاء داخل السجون ومساندتهم لبعضهم .
معتز شالني وقعد يهديني لأني كنت في حاله هياج ولسا بشتم ويقنعني اني لازم اهدا وان هو معايا وهيخلي باله مني وكل اللي هو عايزه هيعملهولي واستأذن ظابط امن الدوله يفك الكلبش وان هو المسئول يسيطر عليا بعدها بيوم كان معتز بيحاول يقنعني اني افك الاضراب لأنه خطر علي صحتي وانا كنت لسا برفض الكلام في الموضوع ده وان ده قراري بعدها بساعات وهو بيحاول يقنعني دخل قوه ضربه بشكل مفاجأ ونده علي اسم معتز. ودينو لأن دول الاتنين اللي كانو بيدافعو عني اول ما كنت داخل الغرفه وحلق شعر الغرفه كلها عشان يعني الناس تكرهني وتعاملني وحش بس انا كنت حلقت شعري بمساعده معتز لان الظابط كان قطع منه كتير وهو بيجرني من شعري بعد كده عرفت ان معتز ودينو و كايروكي وسامح سعودي اتغربو علي سجن ابو زعبل و حصلهم حفله تعذيب وصادرو كل حاجتهم بعد ما فكيت الاضراب وافقت نيابة امن الدولة على زيارة المحامين .
مساوئ الاضراب عن الاطعام !!
اللى هى المفروض جهة قضائية على حسب ادعاء الدولة بس وافقو لما ظابط امن الدولة قالهم الواد فك الاضراب اسمحوله بالزيارة وجالى وقتها الاستاذ محمد فتحى والاستاذ خالد على عشان يطمنو عليا ونشرو عن انهم شافونى وكنت وقتها برجع باستمرار وانا مش عارف قعدت ٧٩ يوم ازاي من غير اكل بس كل اللي كنت بفكر فيه وقتها إما الموت او النجاه .
مساندة أهالى المعتقلين .
الصورة اللى هنشرها دى اول صورة اتاخدت ليا بعد ما خرجت من السجن وقتها مكونتش بقدر امشى فى خط مستقيم من غير ما اسند على حد وفكيت الاضراب بعد حوالي شهر بعد ما ام زياد العليمى كانت بتجيبلى فيتامينات و مكملات عشان احاول افوق وكان زياد بيتطمن عليا كل يوم ويشوفنى لو محتاج حاجة هو وحسن مصطفى الله يمسيه بالخير